Արդեն սկսվում է ԱԺ արտահերթ նիստը, որը հրավիրել է ընդդիմությունը: ՀՀԿ-ն, որը հայտարարել էր, որ չի մասնակցելու նիստին՝ քվորում չի լինելու, այնուամենայնիվ եկել է ԱԺ՝ աշխատասենյակներից հետեւելու, թե ինչ է կատարվելու: ՀՀԿ պատգամավորները հումորներ են անում արտահերթ նիստի հետ կապված, Գալուստ Սահակյանը հորդորում է լրագրողներին հաշվել՝ «Էդ 48 ստորագրությունը որ հավաքել են, մի հատ տեսեք 48 մարդ կա՞ նիստերի դահլիճում»:
Գրանցվեց 44 պատգամավոր: Քվորում չկա: 3 ժամ հետո նորից գրանցում կանեն՝ տեսնելու քվորում կապահովվի՞, թե՞ չէ, ըստ ԱԺ կանոնակարգի:
Ուշագրավ է, որ իսկապես 48 պատգամավորները, որոնք ստորագրել են, նույնիսկ իրենք չեն եկել: ՀՀԿ-ականները կատակում էին, թե ՀԱԿ-ը կեղծել է այդ 4 պատգամավորի ստորագրությունները:
Կարդացեք նաև
Հռիփսիմե ՋԵԲԵՋՅԱՆ
