Կանանց թերություններ, որոնք գրավում են տղամարդկանց

Նախորդ հրապարակումներից մեկում խոսել ենք այն մասին, թե կնոջ որ հատկանիշներն են գրավում տղամարդկանց, իսկ այժմ անդրադառնում ենք այն թերություններին, որոնք դուր են գալիս նրանց: Գաղտնիք չէ, որ երբեմն մարդիկ սիրահարվում են միմյանց թերություններին, իսկ սիրահարները նույնիսկ համակերպվում են դրանց հետ: Այս թեմայով հարցում անցկացրինք 20 աղջիկների և 20 տղաների շրջանում: Աղջիկների կողմից ամենաշատ հնչած պատասխանները ներկայացնում ենք այստեղ…
. Շատ տղամարդկանց գրավում է կնոջ բողոքը, նաև մունաթը. չէ՞ որ նրանք սիրում են «կապրիզնի աղջիկներին»:
.Կնոջ անսպառ էներգիան, ով անընդհատ շատախոսում է ՝ նյարդայնանալու աստիճան: Դա ուրախություն է պատճառում տղամարդկանց: Նրանք սկսում են ժպտալ:
.Կանացի խանդը, նաև եսասիրությունը: Տղամարդկանց դուր է գալիս, որ կինը գովում է ինքն իրեն և ցույց տալիս, որ նա իրեն բոլորից և ամեն ինչից առավել է սիրում:
Տղամարդկանց կողմից ամենաշատ հնչած պատասխանները…
.Կնոջ հիմարությունը, երբ նա իրեն հիմարի տեղ է դնում և ցույց տալիս, որ ոչինչ չի հասկանում: Այդպես թողնում է անմեղ երեխայի տպավորություն:
.Կնոջ շփերթությունը, ով չի հասցրել ուղղել իր հագուստը, իսկ երբ դա անում է տղամարդու ներկայությամբ, ավելի գրավիչ է դառնում:
. Մեզ դուր է գալիս նաև կնոջ ինքնավստահությունը և արհամարհանքը, երբ կարծես թե չի նկատում կողքիններին և նույնիսկ պատրաստ է տղամարդու ներկայությամբ հանել կոմետիկան ու թարմացնել շպարը:
Հոգեբան Անի Հովհանիսյանն այս ամենի վերաբերյալ ասում է. «Նախ պետք է հասկանալ, որ երբեմն այս թերությունները տղամարդիկ դիտարկում են որպես կանացի խաղեր կամ առավելություններ: Շատ տղամարդկանց հաճելի է, որ կանայք անզգուշաբար են վարվում իրենց հետ՝ նրանց ներկայությամբ շպարվելով, մի քիչ անհամեստ թեմաներից խոսելով»,-ասում է նա: Հոգեբանի խոսքով ՝ դա կարող է նաև կնոջը սեքսուալություն հաղորդել: Շատ տղամարդկանց դուր են գալիս խանդոտ կանայք (եթե իհարկե այն կոնֆլիկտների ու վեճերի չի հանգեցնում- հոգեբան): «Երբեմն կինը, թաքցնելով խանդը, սկսում է «աշխատել այդ ուղղությամբ»: Նա հետևում է իր արտաքին տեսքին, խնամում է իրեն, ավելի բարյացակամ վերաբերմունք ցույց տալիս ընկերոջ կամ ամուսնու նկատմամբ: Հաճախ տղամարդիկ գլխի են ընկնում, սակայն դա նրանց դուր է գալիս,-ասում է Անի Հովհաննսիյանն ու հավելում,- տղամարդկանց կարող են գրավել նա հիմարիկ կանայք, քանի որ նրանք զգում են իրենց խելացիությունը կամ գերակայությունը վերջիններիս նկատմամբ»:

Նազենի Բաղդասարյան