Գերագույն Ռադայի յուրաքանչյուր ընտրություններին հայ համայնքի պատգամավորների քանակն ավելանում է, ինչը վկայում է Ուկրաինայի հասարակությունում համայնքի բարձր մակարդակի ինտեգրման մասին: «Անալիտիկա» լրատվականի հետ հարցազրույցում ասել է «Ֆռազա» թերթի գլխավոր խմբագիր Վիտալի Կուստովը:
«Ինձ թվում է, որ բոլոր գործոններից զատ, սա նաև վկայում է Ուկրաինայի բնակիչների հայ համայնքի նկատմամբ վստահության աճի մասին: Ենթադրում եմ, որ հայ համայնքի ազդեցությունը Ուկրաինայում կշարունակի աճել: Եվ դա դրական գործընթաց է, որովհետև հայերն ու ուկրաինացիները պատմական բազմաթիվ ընդհանրություններ, ընդհանուր թշնամիներ ու բարեկամներ ունեն», – ասել է Կուստովը:
Ինչպես արդեն հայտնել է «Analitika»-ն, Ուկրաինայի խորհրդարանական ընտրություններում երեք հայ է հաղթել: Գարեգույն Ռադայի 7-րդ գումարմանը կաշխատեն Ուկրաինայի հայերի միության ներկայացուցիչ Վիլեն Շատվորյանը, հայտնի գործարար Նվեր Մխիթարյանը և Խարկովի նախկին նահանգապետ Արսեն Ավագովը:
Կարդացեք նաև
Պատրաստեց Հովհաննես ԻՇԽԱՆՅԱՆԸ
