Նոյեմբերի 16-ին Վորոնեժի օդանավակայանում գյուղատնտեսական վերահսկող մարմնի աշխատակիցները առգրավել են երեք խմբաքանակ հայկական արտադրության պանիր: Հայտնում է «36 օն» պարբերականը:
Վերահսկող մարմնից հայտնել են, որ կաթնամթերքի խոշոր բեռը հայտնաբերվել է Երևանից Վորոնեժ ժամանած ուղևորի մոտ: Ուղեբեռի ստուգման արդյունքում պարզվել է, որ փոխադրվող ապրանքը արտադրվել է Հայաստանում, սակայն առկա չէ ոչ մի ուղեկցող փաստաթուղթ: Օրինակ, պանրի տերը չի կարողացել ներկայացնել փոխադրվող ապրանքի անասնաբուժական անվտանգությունը հաստատող հավաստագրեր:
Վերահսկող մարմնի ղեկավարության խոսքերով Հայաստանը դասվում է այն երկրների շարքում, որոնք դաբաղ և խոզերի աֆրիկյան ժանտախտ հիվանդությունների համար համարվում են անբարենպաստ վայրեր: Այդ պատճառով Հայաստանից կաթնամթերք և մսամթերք տեղափոխելու համար անհրաժեշտ է ունենալ սննդի անվտանգությունը հաստատող համապատասխան փաստաթղթեր:
Կարդացեք նաև
Առգրավված ապրանքը ոչնչացված է:
Պատրաստեց Հովհաննես ԻՇԽԱՆՅԱՆԸ
