Բեյրութի Պուրճ Համուտ թաղամասի նեղ փողոցներում գտնվող վարդագույն տանը կտոր առ կտոր կուտակվել է հայկական մասունքների ժառանգությունը: Գրում է «Դեյլի սթար» թերթը:
Հնամաշ, բայց աշխատունակ իլիկը դրված է նեղ պահեստի ծայրում, նրա մաշված շրջանակը ժամանակավոր հանգստի է անցել 60 տարի աշխատելուց հետո:
Հայկական գորգերը կախված են ճաշասենյակում, որոնց կողքը` ձեռքով պատրաստած պայուսակներ են, որոնց մեջ ավելի քան 100 տարի առաջ հայ վանականները աղ էին լցնում և ուխտագնացություններին հետները վերցնում:
Այդ տան գրեթե բոլոր իրերը, սկսած անձեռոցիկի վրա դրված ձեռքով պատրաստված նուռից, իրենց պատմություններն ունեն, որոնք բոլորը հիշում է Արփի Մանգասարյանը:
Մանգասարյանը տան տիրուհին է, ամսվա վերջում նա իր տան դռներն է բացելու հայկական մշակույթին և արհեստներին նվիրված «Պատկեր» ծրագրի համար:
Պատրաստեց Հովհաննես ԻՇԽԱՆՅԱՆԸ
