Հիշեք, թե ինչ տեսք ունեն աղբի պահոցները ձեր բակում: Որոշ տեղերում դրանց հնարավոր չէ մոտենալ առանց հակագազի: Այդ պահոցներում երբեմն փոքրիկ հրդեհներ են առաջանում, այնտեղ վխտում են առնետներ եւ քամին աղբը ցիրուցան է անում տարածքում: Ռուս բլոգեր zyalt-ը, որը իրականացնում է «Քաղաքային նախագծեր» ծրագիրը՝ ցուցադրում է, թե ինչպես է այդ խնդիրը լուծվում արտերկրում: Հիմնական լուծումը հետեւյալն է՝ աղբի պահոցները պետք է անցնեն գետնի տակ: Վերեւում պետք է մնա միայն աղբահավաքը: Երբ գալիս է աղբատար մեքենան՝ պահոցները բարձրացվում եւ դատարկվում են: Այնպես՝ ինչպես տեսանյութում:
Իսկ վերեւում ամեն ինչ մաքուր է եւ կոկիկ:
Կարդացեք նաև
Ոչ մի հոտ չկա, ոչինչ չի հոսում ճանապարհով եւ փտում՝ արեւի ներքո:
Կան աղբի տարբեր տեսակ պահոցներ՝ օրինակ, ապակու, թղթի կամ կենցաղային թափոնների համար:
Ընդհանուր առմամբ՝ ահա այսպիսի տեսք ունեն այդ պահոցները:
Եվ այսպես են դրանք բարձրացվում:
Աղբի պահոցն օգտագործելու հնարավորությունը կարող է լինել քարտային, որպեսզի միայն շենքի բնակիչները կարողանան օգտագործել դրանք: Սա կարեւոր է այն դեպքում, եթե աղբահավաքման ծառայությունը վճարովի է, եւ բնակիչները չեն ցանկանում հավելյալ վճարել:
Եվ «նորաձեւության» վերջին ճիչը՝ արեւային մարտկոցներով գործող աղբի պահոցներ: Դրանք մամլում են աղբը՝ առանց օգտագործելու էլեկտրոէներգիա:
Ընդ որում՝ պահոցին կարող է միացված լինել վճարման համակարգ: Եվ այդ դեպքում շենքի բնակիչը կարող է վճարել միայն իր թափած աղբի համար: Համակարգն անգամ կարող է կշռել աղբը եւ գնահատել այն: Ահա այսպիսին է աղբահավաքման ապագան:
Ստորգետնյա պահոցների առավելություններն ակնհայտ են՝ դրանք չեն փչացնում փողոցի տեսքը, դրանք հեշտ է սպասարկել, դրանցից հոտ չի գալիս, դրանք չեն «գայթակղում» թափառաշրջիկներին ու կենդանիներին: Աղբի պահոցները կարող են անգամ զարդարել բակը:
