Բոլոր այն երգիչ երգչուհիները, ովքեր դեռ չունեն իրենց պաշտոնական կայքէջը շտապում են լրացնել այդ բացը, հատկապես վերջին շրջանում: Նրանց թվում է նաև երգչուհի Ջուսը, ով իր ֆեյսբուքյան էջում գրել է. «Շուտով, շատ շուտով, իսկ ավելի կոնտրետ` նոյեմբերի 20-ին, հենց մամայիս ծննդյան օրը կկայանա իմ պաշտոնական կայքի բացումը, որը կլինի բազմաֆունկցիոնալ և իր ճոխությամբ կհամապատասխանի համաշխարհային ստանդարտներին, ու հայկական աստղերի կայքերի մեջ կլինի աննախադեպ)))) Կարող եք միանալ մեզ` սեղմելով Join us))) Սպասեք այդ օրվան»:
Մինչ Ջուսին կշնորհավորեն կայքի բացման առթիվ, Սիրուշոյի պաշտոնական կայքում մեկը մյուսի հետևից տեղադրվում են նորություններ երգչուհու մասին: Վերջերս էլ հայտնել են, որ Սիրուշոն իր ընկերների՝ դհոլահար Էֆոյի ու գործիքավորող Հմայակ Ռոստոմյանի հետ նոր երգի ստեղծման աշխատանքներով է զբաղված:
Ինչպես տեղեկացրել էինք՝ Միհրան Ծառուկյանն այս օրերին համերգային շրջագայության մեջ է ՌԴ-ում: Լուրեր էին տարածվել, թե երգիչը առողջական խնդիրներ է ունեցել ու բուժզննում է անցել Մոսկվայում, սակայն այս լուրը հերքել է Միհրանի պրոդյուսերը Ալեքսանդր Ստեփանյանը, ով Mamul.am-ին ասել է, որ երգիչն առողջական խնդիրներ չունի, Ռուսաստանում ոչ մի հիվանդանոց չի այցելել, թե որտեղից են նման լուրեր տարածվել` պատկերացում չունի:
Լեդի Գագան շարունակում է բարեգործությունների շարքը: Այս անգամ էլ երգչուհին իր միկրոբլոգի միջոցով հայտնել է, որ մտադիր է իր ընտանիքի անունից Կարմիր Խաչի միջազգային կոմիտեի միջոցով 1 մլն ԱՄՆ դոլար նվիրաբերել «Սենդի» փոթորկից տուժածներին:
Ջասթին Բիբերն ու Սելենա Գոմեսը վերջնականապես բաժանվել են, բաժանման պատճառն էլ մեկնաբանվում է հետևյալ կերպ. «20-ամյա դերասանուհի-երգչուհին ու 18-ամյա երգիչը աշխատանքային չափազանց խիտ գրաֆիկ ունեն եւ միմյանց տեսնելը պարզապես անհնար է դարձել»:
Նրանք բաժանվում են, իսկ բրիտանացի հայտնի երգիչ Էլթոն Ջոնը պատրաստվում է իր երկրորդ երեխային ունենալ: The Sun պարբերականը հայտնում է, որ Էլթոնն ու նրա քաղաքացիական ամուսին Դեվիդ Ֆյորնիշը վարձել են նույն կնոջն, ով 2010թ. լույս աշխարհ էր բերել նրանց առաջնեկին` Զակարիին:
Տիգրանուհի Թասլակյան
