Թուրքական ծովափին բոլորն ուրախ են` բացի ամերիկացի սենատորի որդուց: Նա տառապում է դժբախտ սիրո պատճառով: Ոչ մի բան չի կարող վերադարդնել քաղցր կյանքի համը` ո’չ ծովը, ո’չ ընկերները, ոչ էլ գեղեցիկ աղջիկները: Սակայն անսապասելի դեպքերը փոխում են նրա կյանքը: Նա հարեւան երկրից հայտնվում է Հայաստանի մի փոքրիկ գյուղում: Խոսելով տեղացիների համար անհասկանալի լեզվով` ընդունվում է որպես ադրբեջանա-թուրքական հետախույզ: Ամերիկացու մտքով անգամ անցնել չէր կարող, որ այդ դեպքերը լուրջ ազդեցություն կունենան իր կյանքում: Դեպքերը իրականում զարգանում են ֆիլմում, որի թրեյլերը կարող եք դիտել մեզ մոտ:
«Ամերիկացու անհավանական արկածները Հայաստանում» ֆիլմը դեռ կինոէկրաններին չի հայտնվել: Այս կոմեդիկ պատմության ռեժիսորը Գոռ Կիրակոսյանն է: Դերերում են` Անժելա Սարաֆյանը, Ջեյմի Քենեդին, Դեյվ Շերիդան, Բոբի Բերկմենը, Ալեքս Կալոգնոմոսը, Սերդար Կեպսինը, Մորիսա Հարբան, Վաչիկ Մանգասարյանը, Միքայել Պողոսյանը եւ Նարեկ Կապալյանը:
Արամ Արարատյան
