Քիչ առաջ ավարտվեց ՕԵԿ-ԲՀԿ հանդիպումը:
ՕԵԿ-ական Մհեր Շահգելդյանը հանդիպման ավարտից հետո լրագրողներին ասաց, որ քննարկումը հետաքրքիր էր: Նրա խոսքերով, վաղը տեղի է ունենալու ՕԵԿ քաղխորհրդի նիստը, որի ընթացքում կքննարկեն ԲՀԿ-ի առաջարկներն ու քաղխորհրդի նիստից հետո կհայտարարեն իրենց պաշտոնական մոտեցումները:
ԲՀԿ պատգամավոր Վարդան Օսկանյանն էլ հավելեց. « Այստեղ հիմնականում կենտրոնացանք մեծամասնական ընտրակարգի փոփոխության հարցի վրա: Շատ դրական քննարկում էր, բայց իմ ընդհանուր տպավորությունն այն է, նաեւ իմանալով ՕԵԿ դիրքորոշումը մեծամասնականի հետ կապված, որ նրանք միշտ ցանկացել են նվազագույնի հասցնել, կարծում եմ «Օրինաց երկիր» կուսակցության հետ համագործակցության եզրեր կան այս հարցում»:
Հանդիպումը տեւեց մեկ ժամ: Հիշեցնենք, որ այն անցել է ԲՀԿ-ական պատգամավորներ Նաիրա Զոհրաբյանի, Վարդան Օսկանյանի եւ ՕԵԿ փոխնախագահ Հեղինե Բիշարյանի ու Մհեր Շահգելդյանի մասնակցությամբ:
Կարդացեք նաև
Արփինե ՍԻՄՈՆՅԱՆ
