Ինչպես հայտնել էինք, այսօր ԱԳՆ-ում հանդիպեցին Հայաստանի Հանրապետության արտգործնախարար Էդվարդ Նալբանդյանը և Լատվիայի Հանրապետության արտգործնախարար Էդգարս Ռինկևիչսը:
Էդվարդ Նալբանդյանն անդրադարձավ վերջերս Ադրբեջանի կողմից առաջարկված ԼՂՀ ճանապարհային քարտեզին, որը կազմվել էր 90-ականներին:
«Ադրբեջանի այդ հայտարարությունը մնացել է 90-ականների կեսերին: 15 տարի է անցել, գնացքն էլ գնացել է, իսկ որոշ ադրբեջանցիներ մնացել են կայարանում կանգնած: Նրանք պետք է վազեն` գնացքի ետեւից հասնելու համար: ԵԱՀԿ համանախագահների կողմից Կազանում առաջարկվել է համապատասխան քարտեզը, սակայն Ադրբեջանը մերժել է առաջարկությունները»,-ասաց Նալբանդյանը:
Կարդացեք նաև
Նա հավելեց, որ Ադրբեջանի հայտարարությունը լուրջ լուրջ չէ. «Մանավանդ, որ քարտեզը 17 տարվա վաղեմություն ունի: Կարծում եմ, որ դա առաջարկելն անիմաստ է: Պետք է իրատես լինել»:
Լուիզա ՍՈՒՔԻԱՍՅԱՆ
