Aravot.am-ը անկուսակցական պատգամավոր Էդմոն Մարուքյանից հետաքրքրվեց, թե ի՞նչ դիրքորոշում ունի խորհրդարանական 4 խմբակցությունների կողմից կազմակերպված ստորագրահավաքի մասին՝ արտահերթ նիստ հրավիրելու եւ բարեփոխելու մի շարք օրենքներ՝ նախագահական ընտրություններին ընդառաջ: Նա պատասխանեց, որ ինքը դեռեւս Պետական-իրավական հանձնաժողովի նիստում արտահայտել է իր բացասական կարծիքը 100 տոկոս համամասնական ընտրակարգին անցնելու հետ կապված. «Ես առաջարկել եմ հանել այդ մասը, հանել այդ պահանջը»: Մեր դիտարկմանը, որ այդ նախաձեռնությունը միայն մեծամասնական ընտրակարգը վերացնելու մասին չէ, քայլ է՝ արդար, ազատ ընտրություններ անցկացնելու համար՝ Էդմոն Մարուքյանը պատասխանեց, որ ինքն առաջարկել է հանել այդ մասը եւ միայն այդ դեպքում կմիանա ստորագրահավաքին: Էդմոն Մարուքյանին մերժել են:
Հռիփսիմե ՋԵԲԵՋՅԱՆ
