Ռոջեր Կուպելյանը արդի կինեմատոգրաֆիայում ամենապատկերավոր տեսարաններ ստեղծողներից է, ինչպիսին է, օրինակ, «Մատանիների տիրակալը», և իր վերջին աշխատանքում` «Բյուզանդիայի արևելքը» ֆիլմում նա ևս նոր աշխարհ է կառուցել: Գրում է «Էլ Վաքերո» թերթը:
«Բյուզանդիայի արևելքը» ֆիլմը սկսած 301թ. հայոց պատմության 150 տարիների մասին է.: Աշխատելով մատանիների տիրակալի վրա` Կուպելյանի մոտ ցանկություն էր առաջացել «Բյուզանդիայի արևելքի»-ի սցենարը գրել, որը նույնպես պետք է հարուստ լինի գրաֆիկական տեսարաններով, սակայն Կուպելյանի նման ցանկությունը գալիս է դեռ մանկուց: Նա մեծացել է Աֆրիկայում` Սիերա Լեոնեում. «Ես Աֆրիկայում խմբից դուրս ընկած հայ երեխա էի: Այդտեղից է գալիս իմ ինքնության զգացողությունը: Իմ ծնողներն այնպես արեցին, որ ես հասկանամ մեր պատմությունը, դիցաբանությունն ու մշակույթը: Ես գիտեի՝ որտեղից եմ եկել», – ասել է Կուպելյանը:
Ղարաբաղյան պատերազմի մասին պատմող «Լեռների մթին անտառը» վավերագրական ֆիլմը Կուպելյանի առաջին ռեժիսորական աշխատանքն է: Այդ ֆիլմի գլխավոր կերպարներից Կարո Քահքեջյանն է, որը զոհվել է 1993թ., պատերազմի ժամանակ:
«Ես ուզում եմ, որ մեր հաջորդ սերունդները մարտնչող լինեն, – ասել է Կուպելյանը, – մենք պետք է հիշենք, թե ինչ է նշանակում մարտնչող ցեղ»:
Պատրաստեց Հովհաննես ԻՇԽԱՆՅԱՆԸ
