«Մեր կոնկրետ հարցադրմանը՝ արդյոք ՀՀ քաղաքացին 2013-ին ավելի լա՞վ է ապրելու, քան 2012-ին, հնչեց պաշտոնական պատասխան՝ ոչ»,-այսօր ԱԺ-ում իր ելույթի ժամանակ ասաց ԲՀԿ խմբակցության քարտուղար Նաիրա Զոհրաբյանը:
Նրա խոսքերով՝ «4 -+ 1 տոկոս գնաճի պայմաններում ակնհայտ է, որ աղքատությունը խորանալու է: Այսինքն, աղքատության մեջ հայտարարված սրբազան պատերազմը, ինչպես եւ շատ պատերազմներ մեր երկրում փաստորեն հերթական անգամ մնալու են բարոյական հաղթանակների տիրույթներում: Քաղաքացու սոցիալական վիճակը շարունակելու է մնալ ծայրահեղ վատ, իսկ այդ տնտեսական աճը ես չգիտեմ որտեղ է երեւում, բայց կենսամակարդակի վրա միանշանակ չի երեւում»:
Անդրադառնալով կառավարության գնահատականին, որ մեր երկրի ներդրումային միջավայրը բարելավվում է՝ նա նշեց. «Շատ տարօրինակ ներդրողներ են բաժին ընկնում Հայաստանին: Չեն ուզում այդ ներդրողները այդքան բարելավված ներդրումային միջավայրում աշխատել: Սա սողալու բյուջե է: Մենք չենք կարող կողմ քվեարկել մի բյուջեի, որը թույլ է տալիս ՀՀ քաղաքացուն սողալ»:
Վերջում Նաիրա Զոհրաբյանը նշեց, որ «սողալու» բյուջեին դեմ են քվեարկելու:
Կարդացեք նաև
Հռիփսիմե ՋԵԲԵՋՅԱՆ
