Վերջին շրջանում առողջապահության նախկին նախարար Արարատ Մկրտչյանը տարբեր հրապարակումներում բարձրացնում է առողջապահական ոլորտի սխալ կառավարմանը վերաբերող հարցեր։ Նախկին նախարարը «Առավոտի» հետ զրույցում խիստ քննադատության էր ենթարկել 2013 թ. պետբյուջեի առողջապահական ոլորտում նախանշված առաջնայնությունները եւ դրանց լուծումների մասին պատկերացումները։ Аravot.am-ը առողջապահության գործող նախարար Դերենիկ Դումանյանից հետաքրքրվեց՝ ինչո՞ւ երբեւէ չի փորձում հակադրվել Արարատ Մկրտչյանին, արդյոք Դումանյանի լռությունը Մկրտչյանի հետ համաձայն լինելու նշա՞ն է։ «Չէ՜, ես իրեն երբեք լուրջ չեմ ընդունել»,- դժկամորեն արտաբերեց նախարարը։
Аravot.am-ը փորձեց հետաքրքրվել, թե ինչո՞ւ Դումանյանը լուրջ չի վերաբերվում նախկին նախարարի ներկայացրած փաստարկներին։ Դերենիկ Դումանյանին դուր չեկավ մեր համառությունը։
Ավելին՝ նա փորձ անգամ չարեց որեւէ մասնագիտական հակափաստարկ ներկայացնելու։ «Էդպես է»,- ասաց նա ու հեռացավ՝ չարձագանքելով մեր մյուս հարցերին։
Նելլի ԳՐԻԳՈՐՅԱՆ
