ՀԱԿ-ին մաս կազմող «Այլընտրանք» հասարակական քաղաքական նախաձեռնության համահիմնադիր Նիկոլ Փաշինյանը չգիտի՝ ինչու է նախաձեռնության ակտիվ անդամներից Մանուկ Սուքիասյանը վերջերս լքել նախաձեռնության շարքերը: «Մանուկ Սուքիասյանը ինձ հետ զրույց չի ունեցել դուրս գալու վերաբերյալ, եւ ես չեմ կարող դուրս գալու վերաբերյալ որեւէ բան ասել»,- ասաց պարոն Փաշինյանը:
«Առաքելություն» կուսակցության նախաձեռնող խմբում Մ. Սուքիասյանի գործունեության վերաբերյալ պարոն Փաշինյանը հավելեց. «Հայաստանի ցանկացած քաղաքացի ազատ է օրենքով չարգելված ցանկացած գործունեություն ծավալել, որեւէ այլ մեկնաբանություն չունեմ»:
Մեր հարցին, թե Մանուկը գաղափարների իրացման խնդիր ունե՞ր «Այլընտրանքում»՝ հաշվի առնելով Մ.Սուքիասյանի ասածները, թե ինքը «Առաքելությունում» է տեսնում սեփական գաղափարների իրացման հնարավորությունը, պարոն Փաշինյանը ասաց. «Ավելի լավ է Մանուկ Սուքիասյանին հարցնեք»:
Արփինե ՍԻՄՈՆՅԱՆ
