ՕԵԿ-ական պատգամավոր Հովհաննես Մարգարյանը գրավոր հարց էր ուղղել ՀՀ կառավարությանը՝ գազի գնի հնարավոր թանկացման մասին եւ հետաքրքրվել, թե ինչպիսի փոխհատուցում է նախատեսվում սոցիալապես անապահով ընտանիքներին։
Խորհրդարանական քառօրյայի այսօրվա նիստում Հովհաննես Մարգարյանը բարձրաձայնեց էներգետիկայի նախարար Արմեն Մովսիսյանի գրավոր պատասխանը, որով վերջինս ծանուցում է այն մասին, որ գազի գնի վերաբերյալ բանակցությունները դեռ ընթացքի մեջ են, առաջիկայում, երբ դրանք կավարտվեն եւ կառավարությունը հստակ ասելիքներ կունենա գազի սակագնի վերաբերյալ, կծանուցի հանրությանը։ Նախարարի հավաստմամբ՝ այդ գործընթացը իր վերջնական լուծումը կստանա 2013-ին։
Ինչ վերաբերում է սոցիալապես անապահով խավերին փոխհատուցելուն, նախարարը նշել է, որ որոշակի թիրախային խմբերի փոխհատուցման մասին տարբեր ակտերով որոշումներ արդեն իսկ կան, իսկ մնացյալների մասով միայն վերջնական հստակեցումներից հետո քննարկումներ կլինեն։
Կարդացեք նաև
Նելլի ԳՐԻԳՈՐՅԱՆ
