Գուցե և տարօրինակ հնչի, սակայն Թուրքիայի հարավ-արեւելքում գտնվող Բեթմեն (Batman) անվանումով քաղաքի քաղաքապետ Հուսեին Կալկալը հանկարծակի որոշել է դատի տալ «Ուորներ Բրազերս» ընկերությանը այն բանի համար, որ վերջինս խախտելով հեղինակային իրավունքները, իրենց կողմից արտադրված «Բեթմեն» ֆիլմում օգտագործել է քաղաքի պատմական անվանումը: Հետաքրքիր ու միևնույն ժամանակ անհասկանալի է, թե ինչու է քաղաքապետը նոր բարձրացնում այդ հարցը, երբ ֆիլմը դուրս է եկել տարիներ առաջ:Կալկալը պնդում է, որ ֆիլմի ստեղծվելուց հետո իրենց քաղաքում շատացել են ինքնասպանության և չբացահայտված սպանությունների դեպքերը, ինչը ըստ նրա ուղակիորեն կապված է «Բեթմեն» ֆիլմի անվան հետ:
Ֆրանսիայի բնակիչը համաեվրոպական Euro Millions վիճակախաղով 169,8 մլն եվրո է շահել, ինչը նոր ռեկորդ է երկրի համար։ Euro Millions-ի առաջին խաղարկությունը կայացել է 2004թ.- ին Իսպանիայում, Ֆրանսիայում եւ Մեծ Բրիտանիայում։ Վիճակախաղի տոմսն արժե 2 եվրո, դրան մասնակցում է շուրջ 200 մլն մարդ։
Անդրանիկ Ջալալյան
