Այսօր 58 դեմ եւ 37 կողմ քվեարկությամբ ԱԺ-ում մերժվեց ՀՅԴ-ի ներկայացրած օրինագիծը՝ նվազագույն աշխատավարձը 45 հազար դրամ դարձնելու վերաբերյալ: Այսպիսով, մի քանի խմբակցությունների կողմից ներկայացված նվազագույն աշխատավարձի բարձրացման առաջարկներից ընդունվեց միայն կառավարության առաջարկը՝ այն 35 հազար դրամ դարձնելու, այսինքն՝ բարձրացնելու ընդամենը 2500 դրամով:
Այս պահին ԱԺ-ում քննարկվում է 2013-ի բյուջեի օրինագիծը: ՕԵԿ պատգամավոր Հովհանես Մարգարյանը իր խոսքում մի միամիտ սխալ թույլ տվեց՝ ասելով. «Ես, որպես աղետի գոտուց ընտրված պատգամավոր…»: Հետո, հիշելով, որ ինքը չի ընտրվել մեծամասնական ընտրակարգով, ուղղեց իրեն: Նա գոհ էր բյուջեի նախագծից. «Գյումրիում երեխա կա, որ ծնվել է տնակում, դարձել է չափահաս, ամուսնացել է, իր երեխան նույնպես ծնվել է տնակում: Կառավարության կողմից այս կարեւորագույն խնդրի լուծումը ե՛ւ սոցիալական, ե՛ւ բարոյական, ե՛ւ քաղաքական առումով արդարացված է»: Հիշեցնենք, որ Հովհաննես Մարգարյանի մրցակիցը աղետի գոտում ՀՀԿ պատգամավոր Աշոտ Աղաբաբյանն էր, եւ նա էլ հաղթող էր ճանաչվել:
Հռիփսիմե ՋԵԲԵՋՅԱՆ
