Մի խումբ մտավորականներ բաց նամակով դիմել են Սերժ Սարգսյանին՝ առաջարկելով փոխել ՀՀ զինանշանը, դրոշն ու օրհներգը։ Նրանք մասնավորապես առաջարկում են ընդունել Մարտիրոս Սարյանի հեղինակած զինանշանը՝ «Սովետականի» փոխարեն «Արեւելյան Հայաստանի Հանրապետություն» գրությամբ։
«ՉԻ»- Նամակի հեղինակները (Զորի Բալայան, Սոս Սարգսյան եւ ուրիշներ) «Արեւելյան Հայաստանի Հանրապետություն» գրությունը բացատրում են նրանով, որ Արեւմտյան Հայաստանը մեզանից խլված է, բայց մտնում է մեր պահանջատիրության մեջ: Սա, ինչ խոսք, հզոր փաստարկ է, բայց եթե այդ տրամաբանությամբ առաջնորդվենք՝ առաջարկվող զինանշանի վրա պիտի գրված լինի «Արեւելյան Հայաստանի Մի Մասի Հանրապետություն», որովհետեւ Նախիջեւանն էլ է Արեւելյան Հայաստան, Կարսի նահանգն էլ, դաշտային Արցախն էլ։ Թե այդ տարածքներն այլեւս մեր պահանջատիրաթյան մեջ չեն մտնում։
Իսկ ընդհանրապես՝ ավելի ճիշտ կյիներ, եթե անվանի մտավորականները պետության խորհրդանիշները փոխելու փոխարեն ստեղծված վիճակը փոխելու մասին մտածեին։
Կարդացեք նաև
«Չորրորդ իշխանություն»
