Յուրի Դոխոյան. «Ռուսաստանի հավաքականի ցանկացած շախմատիստուհի ի վիճակի է հաղթել աշխարհի առաջնությունում»

Յուրի Դոխոյանը Նադեժդա եւ Տատյանա Կոսինցեւա քույրերի հետ

Շախմատի Ռուսաստանի կանանց ազգային հավաքականի նախկին գլխավոր մարզիչ Յուրի Դոխոյանը РИА Новости-ի հետ զրույցում խոսել է Խանտի-Մանսիյսկում ընթացող կանանց աշխարհի առաջնությունում իր նախկին սաների մրցելույթների մասին: «Ուշադրությամբ հետեւում եմ աշխարհի առաջնությանը: Մեր աղջիկներն առայժմ հաղթել են ոչ ամենաուժեղ մրցակիցներին: Բայց Խանտի-Մանսիյսկում հանդես եկող Ռուսաստանի ազգային հավաքականի յուրաքանչյուր անդամ՝ Նադեժդա եւ Տատյանա Կոսինցեւաները, Վալենտինա Գունինան, Ալեքսանդրա Կոստենյուկը, Ալիսա Գալյամովան, Նատալյա Պոգոնինան, ի վիճակի է մրցակցել ռեյտինգային առաջատարների, մասնավորապես, աշխարհի չեմպիոնուհի, չինացի Հոու Յիֆանի, հետ», – ասել է հայ մասնագետը, որը ներկայումս գլխավորում է շախմատի Ռուսաստանի տղամարդկանց ազգային հավաքականը:

  Պատրաստեց Աշոտ ՀԱԿՈԲՅԱՆԸ