Հարավասիական խաղերի եռակի հաղթող, հնդիկ վազորդուհի Պինկի Պրամանիկին NDTV-ի փոխանցմամբ Արեւմտյան Բենգալիայում նախկին ընկերուհուն բռնաբարելու մեղադրանք է ներկայացվել այն բանից հետո, երբ բժշկական թեստերն ապացուցել են նրա՝ տղամարդկանց սեռին պատկանելը:
Այս տարվա ամռանը նրա նախկին ընկերուհին՝ Անամիկա Աչարյան, դեռ կնոջ կարգավիճակում գտնվող Պինկիին մեղադրել էր իրեն բռնաբարելու մեջ, որի համար վազորդուհին 25 օր անցկացրել էր բանտում: Այդ ընթացքում կազմվել էր հեղինակավոր յոթ բժիշկներից կազմված հանձնաժողով, որի ուսումնասիրությունները ցույց են տվել, որ Պինկի Պրամանիկը տղամարդկանց սեռի պսեվդո-հերմաֆրոդիտ է, որի օրգանիզմում կանանց որոշ օրգաններ կան զարգացած:
Պատրաստեց Աշոտ ՀԱԿՈԲՅԱՆԸ
