Եվրոպայի խորհրդի խորհրդարանական վեհաժողովում Հայաստանի պատվիրակության ղեկավար Դավիթ Հարությունյանը Panorama.am-ին մեկ ամիս առաջ հայտնել էր, որ ԵԽԽՎ իրավական և մարդու իրավունքների հանձնաժողովը «Սաֆարովի գործը» կքննարկի հաջորդ իր նիստում, որը կկայանա նոյեմբերին Փարիզում:
Նոյեմբերի 12-ին կայացել է այդ հանձնաժողովի նիստը, որի օրակարգում 6-րդ հարցը զեկուցողների նշանակումն էր մասնավորապես հետեւյալ հարցի վերաբերյալ՝ «Միջոցներ կանխարգելելու Դատապարտված անձանց արտահանձնելու վերաբերյալ կոնվենցիայի ոչ օրինաչափ կիրառումը»:
Նիստին մասնակցել է Հայաստանի պատվիրակության անդամ Արմեն Ռուստամյանը:
Զեկուցող է նշանակվել Իտալիայի պատվիրակ Ռենատո Ֆարինան, որը նաեւ ելույթ էր ունեցել ԵԽԽՎ նիստում հոկտեմբերի 4-ին, երբ քննարկվում էր Ռամիլ Սաֆարովի արտահանձնման եւ ներում շնորհելու հարցը: Նա մասնավորապես հայտարարել էր, թե կարեւոր է արձանագրել փաստը՝ մի զինվոր սպանել է մյուսին միասին աշխատելու ընթացքում: Եվ հարցադրում էր արել՝ եթե նման դեպք է կատարվել մի միջոցառման ընթացքում, որ կազմակերպվել է ՆԱՏՕ-ի հովանու ներքո, ի՞նչն է արգելք դառնալու, որ նման բան կատարվի նաեւ Եվրոպայի խորհրդի դրոշի ներքո: Անդրադարձել էր նաեւ այն փաստին, որ տոնակատարության է վերածվել Սաֆարովի վերադարձը տուն՝ սա անվանելով մարդասպանի փառաբանում՝ համեմատելով նման ծանր հանցագործության հետ, եթե որեւէ մեկը սպաներ մյուսին՝ գործածելով քարե ցուցանակը, որի վրա Մովսեսը գրել էր. «Մի սպանիր»;
Կարդացեք նաև
Նշենք, որ զեկույցի պատրաստման ընթացքը ԵԽԽՎ-ում տեւում է մեկից-երկու տարի:
