Քաղաքում նոր տեսակի թերապիա կա` թխվածքի թերապիա: Այսպես է գրում «Լաս Վեգաս Ռիվյու Ժուրնալ» թերթը Լաս Վեգասում գործող «Մանան» հայկական թխվածքի խանութի մասին:
«Բոլոր հաճախորդները ժպիտները դեմքներին են հեռանում այստեղից ու ինչ-որ քաղցր բան հետները տանում», – ասում է խանութի սեփականատերը Նաիրա Վարդանյանը, – «Դա նման է երջանկության մեծ չափաբաժին ստանալուն, ինչը լցնում է հոգին: Ես դրան ասում եմ խմորեղենի թերապիա: Ոչ ոք այստեղից ընկճված չի հեռանում»:
Վարդանյանը թխվածքների պատրաստման արհեստը ժառանգել է իր ծնողներից, որոնք խմորեղենի խանութ ունեին Հայաստանում: Այդ բաղադրատոմսերը երբեք գրի չի առնվել, այլ փոխանցվել է սերնդեսերունդ:
Խանութի աշխատողներից Իրինա Կորկիլան ասում է, որ մարդիկ ամեն ինչ հավանում են խանութում, բայց ամենաշատը «Նապոլեոն» ու «Թռչնի կաթ» են պատվիրում:
Կարդացեք նաև
Անհատ ձեռներեց Արտ Վարդապետյանի գրասենյակը գտնվում է խանութի հարևանությամբ ու գործի գնալուց առաջ նա անպայման մտնում է «Մանան»:
«Ես սիրում եմ այն: Ես ուտում եմ այնտեղ: Ես այնտեղ եմ ամեն օր: Ես սիրում եմ լամայի հյութն ու նրանց թարմ խմորեղենները», – ասում է Վարդապետյանը:
Պատրաստեց Հովհաննես ԻՇԽԱՆՅԱՆԸ
