«Էլի մնում եմ իմ խոսքին, դա իրոք ինձ համար կարևոր էր: Գոնե տղաների տարիքը ու չդատվածությունը հաշվի առնելով՝ վերաքննիչ դատարանը վերանայեր դատավճիռը: Շատ ցավում եմ»,- Aravot.am-ի հարցին այսպես արձագանքեց ՀՀ ԱԺ Մարդու իրավունքների պաշտպանության եւ հանրային հարցերի մշտական հանձնաժողովի փոխնախագահ, ՀՀԿ-ական պատգամավոր Մարգարիտ Եսայանը: Հիշեցնենք, որ այսօր ՀՀ վերաքննիչ քրեական դատարանը` դատավոր Արմեն Դանիելյանի նախագահությամբ, անփոփոխ է թողել Հայ ազգային կոնգրեսի չորս ակտիվիստների նկատմամբ կայացրած դատավճիռը: Նիստը բոյկոտել էին բոլոր 4 ակտիվիստները, ինչպես նաև փաստաբան Վահե Գրիգորյանը: Ավելի վաղ, Մարգարիտ Եսայանը, կարծիք էր հայտնել, թե Հայ ազգային կոնգրեսի 4 երիտասարդների դատավճիռը պետք է մեղմվի վերաքննիչ դատարանում:
Նելլի ԳՐԻԳՈՐՅԱՆ
