Նիստին հետեւած քաղաքացիները տպավորություն են ստացել, որ այսօրվա որոշմամբ Վերաքննիչ դատարանը ուժի մեջ կթողնի 1-ին ատյանի կայացրած վճիռը, որով երիտասարդ ակտիվիստները դատապարտվել են 2-6 տարվա ազատազրկման։ Ոմանք նույնիսկ չեն բացառել, որ այսօր դատարանը որոշում կկայացնի կալանավորել մինչ օրս ստորագրությամբ ազատության մեջ գտնվող Սարգիս Գեւորգյանին, Արտակ Կարապետյանին եւ Դավիթ Քիրամիջյանին։ Նշենք, որ Սարգիս Գեւորգյանը 20 տարեկան է (նա հասունացել է համաժողովրդական շարժման մեջ, որին ակտիվորեն մասնակցում է 2008 թվականից մինչ օրս), Դավիթ Քիրամիջյանը 21 տարեկան է (նա նույնպես Շարժման երեխաներից է), Արտակ Կարապետյանն ու Տիգրան Առաքելյանը 31 տարեկան են (Տիգրանը նույնպես Շարժման առաջամարտիկ երիտասարդներից է):
Երեկ մեր թղթակիցը Հայ ազգային կոնգրեսի խոսնակ Արման Մուսինյանից հետաքրքրվել է՝ հնարավո՞ր է Շարժման ակտիվիստ երիտասարդների պաշտպանության համար Կոնգրեսն առաջիկայում հանրահավաք հրավիրի։ Հարցը Մուսինյանին տարօրինակ է թվացել։ «Հանրահավա՞ք»,- զարմացել է նա եւ նշել. «Էս պահին կարող եմ ասել, որ մենք հավաքվելու ենք դատարանի մոտ, ձեր թերթի միջոցով էլ բոլորին կոչ եմ անում գալ այնտեղ»։
Մուսինյանը նաեւ պարզաբանել է, որ Կոնգրեսը երիտասարդների համար երբեւէ հանրահավաք չի հրավիրվել. «Մենք 150-ից ավելի քաղբանտարկյալ ենք ունեցել, բայց հատուկ քաղբանտարկյալների համար հանրահավաք չենք արել, դա եղել է քաղաքական պրոցես»:
Կարդացեք նաև
«Հայկական ժամանակ»
