Կալիֆորնիայի Սուրբ Կարապետ եկեղեցում անցկացվել է թվով 6-րդ ամենամյա հայկական փառատոնը, որին ներկա էր մոտ 2700 մարդ: Գրում է «Դեզերթ սան» պարբերականը:
Եկեղեցու շրջակայքում անցկացվող երկօրյա փառատոնը եկեղեցուն հանգանակություն անելու և հայ համայնքի հետ հայկական մշակույթի տոն անելու հնարավորություն է, մի պահ խորովածներից կտրվելով՝ պարբերականին հաղորդել է փառատոնի համանախագահ Վ.Ջ. Մկրտչյանը:
Փառատոնին ներկայացվել են հայկական պարեր, ուտեստներ, ձեռքով պատրաստված ոսկերչական իրեր, հագուստներ և դրամապանակներ:
Բազմաթիվ կամավորներ կանգնած էին տաք-տաք կաթսաների առջև, որոնց մեջ փլավ, տոլմա, պանրով կարկանդակ և այլ հայկական կերակուրներ էին պատրաստված:
Կարդացեք նաև
«Մենք մի քանի ամիս առաջ ենք սկսել պատրաստել այս ամենը», – ասել է կամավոր և «Եկեղեցու կանայք» կազմակերպության անդամ Քերոլոն Նիգոսյանը, – «Մի ամբողջ օր է պետք որևէ կերակուր համապատասխան քանակով պատրաստելու համար: Շատերը կարող են սառեցվել, բայց որոշ տեսակներ պետք է պատրաստվեն միջոցառումից առնվազն մեկ շաբաթ առաջ»:
Պատրաստեց Հովհաննես ԻՇԽԱՆՅԱՆԸ
