Այսօր Ելիսեյան պալատում Ֆրանսիայի նախագահ Ֆրանսուա Օլանդի հետ հանդիպումով կմեկնարկի Հայաստանի նախագահ Սերժ Սարգսյանի պաշտոնական այցը Ֆրանսիա:
Ինչպես հաղորդում է ,Արմինֆոնե, հղում անելով ԻՏԱՌ-ՏԱՍՍ-ին, կողմերը կքննարկեն երկու երկրների միջև տնտեսական և քաղաքական կապերի ամրապնդման հեռանկարները: Ինչպես սպասվում է, պետությունների ղեկավարները նաև կանդրադառնան ղարաբաղյան հակամարտության կարգավորման խնդրին:
Սարգսյանի հետ հանդիպումը, ով արդեն բազմիցս եղել է Ֆրանսիայում, Օլանդի համար կլինի առաջինը:
Որպես ԵԱՀԿ Մինսկի խմբի համանախագող երկիր, որը զբաղվում է Հայաստանի և Ադրբեջանի միջև ղարաբաղյան հակամարտության խաղաղ կարգավորման գործընթացով, Ֆրանսիան իր առջև նպատակ է դնում նպաստել կողմերի դիրքորոշումների մերձեցմանը: Աշնան սկզբին խմբի ներկայացուցիչները հանդիպել են երկու երկրների ԱԳՆ ղեկավարների հետ, որպեսզի քննարկեն իրավիճակը` վերջին ամիսներին հաճախակի դարձած հրադադարի ռեժիմի խախտումների լույսի ներքո:
Կարդացեք նաև
Այցի ընթացքում ՀՀ նախագահը կհանդիպի ֆրանսիացի պատգամավորների և սենատորների հետ, ովքեր մտնում են Հայաստանի հետ բարեկամության խորհրդարանական խմբի մեջ: Նախագահը նաև կշփվի տեղի գործարար շրջանակների ներկայացուցիչների հետ:
ԱՐՄԻՆՖՈ ԼՐԱՏՎԱԿԱՆ ԳՈՐԾԱԿԱԼՈՒԹՅՈՒՆ
