ԱԺ պատգամավորների հայտարարագրած դրամական եկամուտների հայտարարագրման ցանկը ընդունված է համարել ավելի շատ «անկեղծության թեստ»: ՀՅԴ-ն ամենահարուստ ընդդիմությունն է՝ խորհրդարանում, իսկ ԲՀԿ-ն՝ ամենահարուստ խմբակցությունն առհասարակ:
Այս առնչությամբ Aravot.am-ը ՀՅԴ խմբակցության պատգամավոր Արծվիկ Մինասյանին հարցրեց՝ դա ի՞նչ է նշանակում, որ մյուսները պակա՞ս անկեղծ են եղել: Նա պատասխանեց. «Չեմ կարող մյուսների համար ասել: Իմ մասով կարող եմ ասել, որ հայտարարագրել եմ այն, ինչ ունեցել եմ»:
Ավելին, պարզվում է՝ Արծվիկ Մինասյանը ճիշտ է, հայտարարագրել է 9 մլն դրամի եկամուտ, բայց պարտքերի տակ է. «Իմ տարեկան եկամուտները 9 մլն դրամի կարգի է ֆիքսված, բայց դրա շուրջ 4.5 մլն-ը իսկապես փոխառություններ են, որը պարտք եմ վերցրել, որպեսզի վճարեմ: Օրենքի համաձայն, դրանք համարվում են եկամուտներ»:
Մենք հետաքրքրքվեցինք, թե ինչի՞ համար է պարտք վերցրել պատգամավորը: Նա պատասխանեց, որ այդ գումարը պարտք է վերցրել՝ ավտոկայանատեղի ձեռք բերելու համար:
Կարդացեք նաև
Այն, որ ՀՀԿ մի շարք պատգաավորներ 0-ական միջոցներ են հայտարարագրել՝ Արծվիկ Մինասյան ասաց, որ զուտ էթկայից ելնելով՝ չի ուզում անդրադառնալ իր գործընկերների պահվածքին: Բայց նա առաջարկեց, եթե կասկածողներ կան, կարող է ցակացած քաղաքացի գրել բողոք-դիմում ԱԺ էթիկայի հանձնաժողովին, իրենք այդ հարցը կուսումնասիրեն. «Միանշանակ, դա էթիկայի հանձնաժողովի ենթակա հարց է, բայց պետք է լինի համապատասխան դիմում»:
Հռիփսիմե ՋԵԲԵՋՅԱՆ
