Լոնդոնի «Չելսի» ֆուտբոլային ակումբը երեկ իր պաշտոնական կայքում հայտարարել է, թե վերջին ինը տարիներին առաջին անգամ տարին եզրափակել է շահույթով:
2003 թվականից ի վեր, երբ ակումբը գնեց ռուս միլիարդատեր Ռոման Աբրամովիչը, «Չելսիին» ոչ մի կերպ չէր հաջողվում տարին դրական բյուջեով ավարտել: Համաձայն տարածված հայտարարության, հունիսի 30-ին ավարտված 2011-2012 թթ. ֆուտբոլային մրցաշրջանում ակումբը վաստակել է 1,4 միլիոն ֆունտ ստերլինգ: Եվ դա այն դեպքում, երբ նախորդում ունեցել է 70 միլիոնի կորուստ: «Կապույտներն» այս տարի ընդհանուր առմամբ վաստակել են 256 միլիոն ֆունտ ստերլինգ: Դա աշխարհում հինգերորդ ցուցանիշն է: Այդ գումարից մոտ 60 միլիոնը կազմել են Չեմպիոնների լիգայում հաղթելու համար բոնուսները:
Պատրաստեց Աշոտ ՀԱԿՈԲՅԱՆԸ
