Մարտի 1-ի իրական մեղավոր, ՀԱԿ համակարգող Լեւոն Զուրաբյանը տեսնում է Ռոբերտ Քոչարյանին եւ Սերժ Սարգսյանին: Այդ մասին ԳԱԼԱ-ի լրագրողի հետ զրույցում նշել է ինքը՝ Զուրաբյանը:
«Մարտի մեկի իրական մեղավոր ես տեսնում եմ ռեժիմին: Ռեժիմի բաղկացուցիչ մաս եղել են այդ օրվա գործող նախագահ Ռոբերտ Քոչարյանը, Սերժ Սարգսյանը՝ որպես վարչապետ, եւ նաեւ մարդ, ով հռչակվեց, կամ ինքնահռչակվեց հաղթող նախագահ ընտրություններում: Իշխանությունը փոխանակ փորձեր ծագած ճգնաժամը լուծեր քաղաքական բանակցությունների միջոցով, որոշեց դիմել ուժի», -ասել է ՀԱԿ համակարգողը:
Ըստ ԱԺ պատգամավորի, Բարգավաճ Հայաստան կուսակցությունը, որպես կոալիցային մաս կազմող քաղաքական ուժ, Մարտի 1-ի ողբերգության համար կրում է քաղաքական պատասխանատվություն:
«Իսկ թե կոնկրետ ով ինչ մեղավորություն ունի, դա արդեն պետք է որոշի հետաքննությունը: Բայց կա երկու մարդ, որոնց մեղավորությունը արդեն կարելի է հաստատված համարել, որովհետեւ այդ գործողությունները կատարվել են կոնկրետ հրամաններով»,- ասել է ՀԱԿ համակարգողը:
Կարդացեք նաև
Ի վերջո, Լեւոն Տեր-Պետրոսյանը կառաջադրի՞ իր թեկնածությունը 2013թվականին կայանալիք նախագահական ընտրություններում եւ եթե ոչ, Կոնգրեսում այլ թեկնածուի հարց կքննարկվի, ԳԱԼԱ-ի լրագրողի այս հարցին, Լեւոն Զուրաբյանը տվել է հետեւյալ պատասխանը: «Չէ, դրա կարիքը չենք տեսնում: Մենք կոնսուլտացիաների մեջ ենք, եւ այլ թեկնածուի մասին մտածելու կարիքը դեռեւս չկա: Իսկ թե Լեւոն Տեր- Պետրոսյանը երբ վերջնական որոշում կկայացնի, դա արդեն իրենից է կախված, ես չեմ կարող կանխատեսել»:
