Արդեն ավելի քան 10 օր է, ինչ Փոթիի նավահանգստի աշխատողները գործադուլ են անում: Նոյեմբերի 6-ի դրությամբ Փոթիի նավահանգստի աշխատողների 70 տոկոսը գործադուլի մեջ էր, բայց այժմ ոչ ոք աշխատանքի չի գնում, ինչը Հայաստանի և Ադրբեջանի համար լուրջ մտահոգության առիթ է դարձել: Հայտնում է «Մեսենջեր» պարբերականը:
Հայկական ընկերությունները փորձում են ամեն ինչ անել, որպեսզի մոտ 200 բեռնարկղեր կարողանան տեղափոխել Բաթումիի նավահանգստով: Եթե Փոթիի գործադուլը երկար շարունակվի, ընկերությունները, որոնք Փոթիի միջոցով են իրենց բեռները փոխադրում, մեծ ֆինանսական կորուստներ կկրեն, քանի որ Բաթումիի նավահանգիստն այնքան մեծ չէ, որ կարողանա պահանջված քանակությամբ բեռները տեղափոխել: Այնուամենայնիվ, Փոթիի ղեկավարությունը փորձում է կարգավորել իրավիճակը:
Աշխատողները բողոքում են իջեցված աշխատավարձերից և պահանջում, որ աշխատանքից հեռացվածներին հետ ընդունեն:
Պատրաստեց Հովհաննես ԻՇԽԱՆՅԱՆԸ
