Ռազմական փորձագետ Դավիթ Ջամալյանն անդրադառնալով նախագահ Սերժ Սարգսյանի՝ միջազգային պարբերականում արված վերջին հայտարարությանը, այն մասին, որ Ադրբեջանը հարմար առիթ է փնտրում պատերազմ սկսելու համար, ասաց. «Նախ՝ պետք է դիվանագիտական դիսկուրսը կարողանանք տարբերել ոչ դիվանագիտականից: Այո, մենք պետք է ամենատարբեր պատեհ առիթներով ցույց տանք Ադրբեջանի ագրեսիվ կեցվածքը եւ այդ առումով բոլորն ունեն առաքելություն, ոչ միայն նախագահը, այլեւ դիվանագիտական կորպուսը, փորձագետները եւ այլք: Եվ ով էլ լինի այսօր երկրի ղեկավարը, նա պարտավոր է մեր երկիրը զերծ պահել նոր ագրեսիայից, եւ այդ առումով, խոսքը միայն բանակը հզորացնելու մասին չէ: Անհրաժեշտ է նաեւ դիվանագիտական հարթության մեջ քայլեր ձեռնարկել: Ադրբեջանը պատերազմի պատրաստվում է, բայց եթե նա պատրաստ լիներ, չէր վարանի սկսել, սա է իրականությունը»:
Եվա ՀԱԿՈԲՅԱՆ
