«Նման մարդ չեմ ճանաչում ու որպես չճանաչված մարդ՝ նրա կարծիքն ինձ համար առ ոչինչ է»,- անդրադառնալով քաղաքագետ Արմեն Բադալյանի այն պնդմանը, թե ՕԵԿ-ը գոյություն չունի, մահացած ուժը երբեք չի վերակենդանանա, ինչ էլ ուզում ես արա, ասաց ՕԵԿ փոխնախագահ Հեղինե Բիշարյանը:
Մեր այն դիտարկմանը, թե պարոն Բադալյանը միակը չէ, որը ՕԵԿ-ին մահացած քաղաքական ուժ է համարում, տիկին Բիշարյանը հավելեց. «Նման կարծիք չեմ լսել, կարող է մահացած մարդիկ գերեզմաններից կարծիքներ են ուղարկում: Մահացած, իրենցից ոչինչ չներկայացնող մարդկանց կարծիքը առ ոչինչ է, քանի որ նրանք գոյություն չունեն իրական կյանքում»:
Արփինե ՍԻՄՈՆՅԱՆ
