Գորիսում վախի մթնոլորտ է՝ տեղեկացանք Գորիսում ՀԱԿ գրասենյակի համակարգող Խաչիկ Հայրապետյանից։ Ըստ նրա՝ շատերը թեքվում են դեպի ԲՀԿ՝ նրա մեջ տեսնելով ֆինանսը կամ բարեգործությունը։ «Վերջերս ԲՀԿ-ն կարտոֆիլ է բերել, եթե չեմ սխալվում՝ 300 տոննա. 80 դրամով վաճառում են ժողովրդին։ Ժողովուրդը դրա մեջ տեսնում է Ծառուկյան նախագահի ապագան, թե իբր՝ մեզ նման նախագահ է պետք»,- փոխանցեց Հայրապետյանը։
Նա նաեւ ասաց, որ Գորիսում ընդդիմադիր թեւի մոտ 30 տոկոսը՝ հիմնականում երիտասարդները, կարծում են, որ չարժե՝ ՀԱԿ-ը ԲՀԿ-ի հետ համագործակցի։ Խաչիկ Հայրապետյանն ասաց, որ ԲՀԿ-ն նրանց աչքին մարտի 1-ի դեպքերի մեղավորներից է։ «ՀԱԿ Իջեւանի կառույցի համակարգող Արթուր Աթաբեկյանի խոսքով՝ հիմա մի քիչ դժվար է զանազանել, թե որ քաղաքական ուժն է իրոք ընդդիմադիր։ Բայց իրեն ընդդիմադիր համարող որ մեկն էլ այս իշխանություններից ազատվելու նպատակով կհամախմբվի Լեւոն Տեր-Պետրոսյանի շուրջը, կհամագործակցեն այդ ուժի հետ:
Գագիկ ԱՂԲԱԼՅԱՆ
«Հայկական ժամանակ»
