Քաղաքական վերլուծաբան Երվանդ Բոզոյանը կարծում է, որ Օբամայի հաղթանակը կպահպանի ԱՄՆ-ի քաղաքականության շարունակականությունը Հայաստանի նկատմամբ, սակայն նշանակալից փոփոխությունների հույսեր վերլուծաբանն առանձնապես չունի:
«Դա տրամաբանական է, քանի որ մինչ այդ էլ էր Օբաման իր նույն ծրագրով ու քաղաքականությամբ և այս անգամ էլ, նորից վերընտրվեց նա»,- «Մեդիալաբին» ասում է Բոզոյանը:
Տարածաշրջանային հետազոտությունների կենտրոնի տնօրեն, քաղաքագետ Ռիչարդ Կիրակոսյանի կարծիքով` Օբամայի վերընտրվելը նշանակում է «հայ-ամերիկյան երկկողմանի հարաբերությունների ամրացում»:
«Կարևոր է նշել, որ Ռոմնին չընտրվեց, քանի որ Ռոմնին և նրա կողմնակիցները ավելի շատ ադրբեջանամետ էին»,- «Մեդիալաբին» ասում է Կիրակոսյանը:
Կարդացեք նաև
Նա նշում է, որ ընդհանուր առմամբ ԱՄՆ-ի քաղաքականությունը Հայաստանի նկատմամբ փոփոխություններ չի կրի, բայց ավելի հստակ կտեսնենք Միացյալ Նահանգների դժգոհությունը Ադրբեջանի և Թուրքիայի առնչությամբ:
«Ադրբեջանի պարագայում դա կապված է Ադրբեջանի կողմից խաղաղ գործընթացին ուղղող վտանգի հետ, իսկ դժգոհությունը Թուրքիայից այն է, որ վերջինս չի կարողանում իրագործել Հայաստանի հետ հարաբերությունների բարելավում»,-ասում է Կիրակոսյանը:
Մանրամասն՝ կարդացեք այստեղ
