ԲՀԿ խմբակցության քարտուղար Նաիրա Զոհրաբյանի՝ երեկ կատարած հայտարարությունը՝ կապված խորհրդարանական համակարգին անցնելու հարցի շուրջ քաղաքական ուժերի շրջանակներում կոնսուլտացիաներ անցկացնելու հետ, արդեն քննարկվում է քաղաքական դաշտում:
Aravot.am-ը ՀՅԴ Հայաստանի Գերագույն մարմնի փոխներկայացուցիչ Արսեն Համբարձումյանի հետ զրույցում հետաքրքրվեց՝ քանի որ ՀՅԴ-ն ևս հանդես է եկել նման ծրագրային առաջարկով, հնարավո՞ր է այդ գաղափարի շուրջ ԲՀԿ-ի հետ համախմբում, կամ որքանո՞վ է նա ճիշտ համարում ԲՀԿ-ի նման հայտարարությունն, ու այդ պլատֆորմի հիման վրա համախամբումը: Պարոն Համբարձումյանը պատասխանեց. «Վաղը ժամը 11-ին գերագույն մարմնի Սիմոն Վրացյան կենտրոնում Գերագույն մարմինը ասուլիս է հրավիրելու, որի ժամանակ կհրապարակվի մեր հայտարարությունը և մեր դիրքորոշումները կապված առաջիկա նախագահական ընտրությունների հետ» Մեր հարցին՝ արդյո՞ք ճիշտ է նման պլատֆորմի վրա քաղաքական համախմբումը, պարոն Համբարձումյանը պատասխանեց, թե վաղը կհրապարակեն իրենց դիրքորոշումները նաև մեր բարձրացրած հարցերի հետ կապված:
Տաթև ՀԱՐՈՒԹՅՈՒՆՅԱՆ
