ԱԺ պատգամավորների հայտարարագրած դրամական միջոցերի ցանկի համաձայն, խորհրդարանում ամենահարուստ խմբակցությունը ԲՀԿ-ն է:
Այսօր Aravot.am-ը ԲՀԿ պատգամավոր Միքայել Մելքումյանից հետաքրքրվեց՝ դրանից կարո՞ղ ենք եզրակացնել, որ ԲՀԿ-ն ամենասերտ կապերն ունի բիզնեսի հետ: Նա պատասխանեց. «Ախր, այդպես ճիշտ չի այդ հարցադրումը: Կարող է, ասենք, մի կուսակցություն ընդունեն հազարավոր փոքր ու միջին ձեռնարկատերեր, մի կուսակցությունում մարդիկ լինեն, անհատներ, որոնք ունեն ավելին խոշոր բիզնեսներ: Հիմա դրանից ես որեւէ եզրակացություն չեմ անում: Հարցը շատ արդյունավետ չէր»:
Մեր հարցին՝ հայտարարագրերի այդ ցանկը, ըստ Ձեզ, իրակա՞ն պատկերն է պատգամավորերի հարստության, թե՞ մյուս խմբակցությունների պատգամավորները պակաս անկեղծ են գտնվել, ու չեն հայտարարագրել իրենց դրամական միջոցների մի մասը, ԲՀԿ խմբակցության պատգամավորը պատասխանեց. «Չէ, ես ծանոթ չեմ այդ հայտարարագրերին: Դուք գիտեք՝ ամեն պատգամավոր մյուս պատգամավորի հայտարարագրերին ծանո՞թ է: Բայց ի՞նչ կա այդտեղ: Կան որոշ հիմնադիրներ բիզնեսների, իրենք ունեն: Կհավատա՞ք, որ ես հետամուտ չեմ լինում իմանալու մյուս պատգամավորների հայտարարագրերը»:
Հռիփսիմե ՋԵԲԵՋՅԱՆ
Կարդացեք նաև
