«Ես պահանջում եմ, որ նա հերքի իր զրպարտանքը և ներողություն խնդրի մարդկանց վիրավորելու համար: Եթե դատարանում Ռուբեն Հայրապետյանը կապացուցի, որ ես՝ Հրանուշ Խառատյանս, փող եմ վերցնում, փողով քաղաքական պատվեր եմ կատարում, պատվերի շրջանակում կատարում եմ այնպիսի գործողություններ, որոնցից բխած նա կարող է ինձ այդպես անվանարկել, ես պատրաստ եմ բարձրաձայն ներողություն խնդրել Ռուբեն Հայրապետյանից»,- այսօր լրագրողների հետ զրույցում ասաց ազգագրագետ Հրանուշ Խառատյանը: Հիշեցնենք, որ այսօր Այսօր Ավան և Նոր Նորք վարչական շրջանների ընդհանուր իրավասության դատարանում տեղի ունեցավ Հրանուշ Խառատյանի ՝ ընդդեմ Ռուբեն Հայրապետյանի հայցի քննությունը: Հայցը վերաբերում է Nouvelle d’Armenie ամսագրին տված Ռուբեն Հայրապետյանի հարցազրույցին, որով , ըստ տիկին Խառատյանի, նա վիրավորել է իր արժանապատվությունը, պատիվն ու գործարար համբավը: «Ռուբեն Հայրապետյա’ն, մարդ եղիր, արի’ դատարան և օգնի’ր այս գործը պարզելուն, այլապես նա առնետի նման փախնում է: Մեղք է պարոն Հայրապետյանը, բերե’ք դատարանում մաքրեք նրա վրայից բոլոր կասկածները, հրապարակավ ցույց տվեք, որ նա անմեղ է: Այլապես մեղք չէ՞ այդ մարդը, չգա՞ դատարանում պարզի իր անմեղությունը, բա մենք բոլորս մոլորության մեջ մնա՞նք»,-հավելեց տիկին Խառատյանը:
Մանրամասները` տեսանյութում
Արփինե ՍԻՄՈՆՅԱՆ
Կարդացեք նաև
