Աբխազիայով անցնող երկթուղու վերականգնումը երկար, զգայուն, բայց շատ կարևոր գործընթաց է: «Ռեգնում» լրատվական գործակալությանն է հայտնել վրացի փորձագետ, Վրաստանի պետական համալսարանի պրոֆեսոր Էմզար Ջեգերենայան: Ըստ նրա այս հարցի լուծման գործընթացում կարող են ծագել բազմաթիվ խնդիրներ. «Օրինակ, եթե դրանք տրանսպորտային փոխադրումներ են, ապա հստակ փաստաթղթերի բազայի ձևավորման անհրաժեշտություն է ծագում` թե ինչպես են ձևակերպվելու բեռներն ու ապրանքները: Եթե խոսքը ուղևորների փոխադրման մասին է, ապա պետք է սահմանվեն մի շարք փաստաթղթեր` անձնագիր, նույնականացման քարտ և այլն, որոնք կընդունի վրացական կողմը»:
Ջեգերենայան բարձր է գնահատել երկաթուղու վերականգնման նախաձեռնությունը` նշելով, որ այն բոլորին է օգտակար`Վրաստանին, Աբխազիային, Ադրբեջանին և Հայաստանին: Հայաստանի հաշվով, թե արդյոք կարող է հանդիպել թուրք-ադրբեջանական հակազդեցությանը, պրոֆեսորը պատասխանել է. «Ես 100 տոկոսով համոզված եմ, որ Անկարայում դեմ չեն: Ես այնտեղ բազմաթիվ կապեր ունեմ, հիմնականում բիզնես շրջանականերում, ու վստահորեն կարող եմ ասել, որ թուրքերը չեն խառնվի: Ինչ վերաբերում է Ադրբեջանին, ապա այնտեղ կարող է դժգոհություններ լինեն, սակայն այս հարցը բխում է Վրաստանի ռազմավարական շահերից, ու ոչ ոքի թույլ չի տրվի իր քիթն այստեղ խոթել»:
Պատրաստեց Հովհաննես ԻՇԽԱՆՅԱՆԸ
Կարդացեք նաև
