Օրեր առաջ Հայաստան էին ժամանել կինոաշխարհի հայտնի ներկայացուցիչներ Իրակլի Կվիրկաձեն, Անդրեյ Սմիրնովը, Սերգեյ Սոլովյովը եւ Ռոման Բալայանը: Վերջիններիս այցի նպատակը ԵԹԿՊԻ եւ «Հայ արտ սինեմայի» հայտարարած «Կինոռեժիսուրայի բարձրագույն կուրսերի» ընդունելության քննություններն անցկացնելն էր:
Ավելի վաղ տեղեկացրել էինք, որ Երեւանի Թատրոնի եւ կինոյի պետական ինստիտուտի եւ «Հայ արտ սինեմա»-ի հայտարարած «Կինոռեժիսուրայի բարձրագույն կուրսերի» ընդունելությունն ավարտված է, եւ հայտնի են այն յոթ ուսանողների անունները, ովքեր անվճար հիմունքներով կմասնակցեն բարձրագույն կուրսերին:
Aravot.am-ը տեղեկացել էր, որ այսօր ԵԹԿՊԻ պետք է այցելի համաշխարհային վավերագրական կինոյի լեգենդ Արտավազդ Փելեշյանը: Եվ իսկապես անվանի կինոռեժիսորը բուհում էր՝ ընտրյալ ուսանողների համար առաջին դասընթացը վարելու:
ԵԹԿՊԻ ռեկտոր Արմեն Մազմանյանը թույլ չտվեց ինձ ու գործընկերոջս ներկա գտնվել մասնավոր հանդիպմանը,, սակայն մինչ լսարան մտնելը, Արտավազդ Փելեշյանը կարճատեւ զրույց ունեցավ մեզ հետ, ինչը ներկայացնում ենք առանց խմբագրման.
Կարդացեք նաև
-Խնդրում ենք, թույլ տվեք մենք էլ մասնակցենք: Բոլորին մերժե՞լ եք…
–Այս երկու օրը ես նորից եմ գալու, կհանդիպենք:
-Հա՞:
–Հա…
-Հաստա՞տ:
-100 տոկոսով…
Փելեշյանը նաեւ ողջագուրվեց հեռուստաընկերություններից մեկի լրագրողի հետ եւ կատակեց. «Փայտյան ես (նկատի ունի լրագրողի ազգանունը), բայց պողպատից ես»:
Լուիզա ՍՈՒՔԻԱՍՅԱՆ
