Այսօր ԱԺ-ում ՀՅԴ պատգամավոր Արծվիկ Մինասյանը խնդրեց ՊԵԿ-ի նախագահի տեղակալ Արմեն Ալավերդյանին ներկայացնել Համաշխարհային բանկի կողմից ՊԵԿ-ի պոտենցիալի գնահատականը: ՀՀԿ պատգամավոր Վարդան Այվազյանը շշմեց մի պահ ու սկսեց բարձր ծիծաղել. «Չհասկացա, ի՞նչ եք հարցնում»: Արծվիկ Մինասյանը հասկանալով, որ Վարդան Այվազյանը «պոտենցիալ» բառը «պոտենցիա» է լսել՝ ասաց. «Ես պոտեցիան չեմ հարցնում, պոտենցիալն եմ հարցնում ՊԵԿ-ի»:
Վարդան Այվազյանն էլ՝ թե շատ լավ հասկանում եմ ինչ ես ասում, բայց հարց է, թե հիմա Ալավերդյանն ինչ է պատասխանելու, այ քեզի բաաաաաա՜ն: Չհասկանալը ո՞րն է: Ասում ես՝ Համաշխարհային բանկը գնահատել է այդ պոտեցիալը, ուզում ես ասել՝ ստվերային տնտեսությո՞ւն կա: Թե չէ, ես շատ լավ հասկանում եմ բառի իմաստը: Հի՜, հի՜, հի՜…պոտենցիան»:
Արմեն Ալավերդյանն էլ պատասխանեց, որ պոտենցիալի մասին 50 րոպե կխոսի, բայց ժամանակ չկա:
Հռիփսիմե ՋԵԲԵՋՅԱՆ
