Թեեւ այսօր կայացած ԲՀԿ քաղխորհրդի նիստից պաշտոնական մեկնաբանություններ չեն արվում եւ քաղխորհրդի անդամներին զգուշացված է, որպեսզի զերծ մնան տեղեկատվության արտահոսքերից կամ տեսակետներ արտահայտելուց, «Գալա» հեռուստաընկերությունը հղում անելով սեփական լավատեղյակ աղբյուրներին տեղեկացնում է, որ ԲՀԿ-ում հստակ քաղաքական որոշում չեն ընդունել`մասնակցելու են սեփական թեկնածուով, թե սատարելու են ՀՀԿ թեկնածու, գործող նախագահ Սերժ Սարգսյանին: «Եթե կատարեն ԲՀԿ պահանջները, ԲՀԿ-ն թեկնածու չի առաջադրի, եթե չկատարեն՝ կառաջադրի: Այդ թեկնածուն կլինի կամ Վարդան Օսկանյանը, կամ Գագիկ Ծառուկյանը: Եթե Ծառուկյանը որոշի առաջադրվել, էլ Օսկանյանը չի առաջադրվի»,-հեռուստաընկերության թղթակցին փոխանցել է նիստին մասնակցած ԲՀԿ-ականներից մեկը:
Այս առիթով Aravot.am-ի հետ զրույցում ԲՀԿ խմբակցության պատգամավոր Նաիրա Զոհրաբյանն ասաց. «Անանուն հղումները չենք մեկնաբանում»:
Նելլի ԳՐԻԳՈՐՅԱՆ
