«Երգի պրեմիերա… այս երգը հատուկ գրվել է իմ կեսի համար», – այսպիսի գրառում էր թողել իր էջում երգչուհի Սոնա Շահգելդյանը և ներկայացրել իր նոր երգը: Այն կոչվում է «Ձեռքդ մեկնիր», իսկ թե ում է նվիրված երգը կամ թե ով է երգչուհու «կեսը» նա այդպես էլ չասաց՝ պատճառաբանելով, որ ամեն ինչ այնքան էլ հստակ չէ դեռ, հակառակ դեպքում չէր թաքցնի: Ֆեյսբուքյան էջի իր գրառումն էլ մեկնաբանեց այսպես. «Խոսելու առիթ եմ տվել մարդկանց»: Իսկ իմ այն հարցին, թե հնարավոր է արդյոք, որ ամեն ինչ դիտավորյալ Է անում. քայլ առ քայլ է ներկայացվում հանրությանը՝ մի քանի անգամ «խոսելու առիթ» տալու համար, Սոնան պատասխանեց՝ հնարավոր է: Խոսելով երգի մասին՝ Սոնան ասաց, որ ի սկզբանե այն պետք է ուրիշ մեկը կատարեր, բայց շատ ուրախ է, որ ամեն ինչ փոխվեց, և նա ինքը հնարավորություն ունեցավ կատարելու այս երգը: Երգչուհին նշեց նաև, որ երգն իր տեսահոլովակը չի ունենալու, բայց փոխարենը կնկարահանվեն տեսահոլովակներ այլ երգերի հիման վրա:
«Ձեռքդ մեկնիր» երգի խոսքերի հեղինակը Տիգրան Արզումանյանն է, իսկ երաժշտությանը՝ Կոնսը (Արթուր Նիկողոսյան): Երգը Youtube-ում հասցրել է գրանցել 300-ից ավելի դիտում, մեկնաբանություններ ու կարծիքներ ևս կան ինչպես երգչուհու ֆեյսբուքյան էջում, այնպես էլ Youtube-ում. «Լավ կատարում է, տիպիկ է Սոնայի ձայնի համար…», «Շատ լավ երգ է, ինչպես քո բոլոր երգերը, սպասենք հոլովակին», «Շատ նուրբ ու քնքուշ կատարում»…
Տիգրանուհի Թասլակյան
