«Ես շատ ուրախ եմ, որ Արմեն Աշոտյանը և մեր մյուս պաշտոնյանները ՖԲ-ում ազատ շփվում են քաղաքացիների հետ, ներկայացնում իրենց տեսակետները և պատասխանում քաղաքացիներին հուզող հարցերին: Իրական պաշտոնյան հենց այսպիսին պետք է լինի: Խորհուրդ կտայի մնացած պաշտոնյաներին ևս օրինակ վերցնել Տարոնից եվ Արմենից», – սա Մենուա Հարությունյանի կարծիքն է:
Իսկ պրոդյուսեր Ալեն Սիմոնյանն էլ բացատրություն է պահանջում, գրել է. «Նոյեմբերի 1` հինգշաբթի: Արմեն Աշոտյանի աշխատանքային օրվա սկիզբ. առաջին գրառում` 10:07, երկրորդ գրառում` 14:04, երրորդ գրառում` 18:55, չորրորդ գրառում աշխատանքային ծանր օրից հետո` 22:31, հինգերորդ գրառում` 23:47: Նման մի բան՝ հոկտեմբերի 31-ին. առաջին գրառում` 11:22, երկրորդ գրառում` 15:58:
Ընթացքում մեկնաբանություններ շորտիկի մասին և այլ տեղերում. սա նույնպես աշխատանքային օրվա ժամին: Ես չեմ հասկանում և պահանջում եմ բացատրություն, որպես ՀՀ քաղաքացի, թե կրթության և գիտության նախարարն ամբողջ աշխատանքային օրը Ֆեյսբուքում անցկացնելու ի՞նչ իրավունք ունի»:
Ֆեյսբուքյան օգտատեր Մոդերատոր Մոդերան ևս անմասն չի մնացել կարծիքն արտահայտելու հարցում. «Էն, որ Աշոտյանը ավելի շատ գրառում ա անուն FB-ում, քան հրաման ա ստորագրում, փաստ ա… Կարծում եմ՝ աշխատանքային ժամերին այլ բանով զբաղվելու համար նախարարին պետք է դիտողություն արվեր առնվազն վարչապետի մակարդակով: Իսկ եթե գտնում են, որ Աշոտյանի ակտիվությունը նորմալ ա, ապա պետք ա նորմալ համարվի նաև ուսանողների կամ դասախոսների՝ դասի ժամանակ Facebook–ում ստատուսներ ու քոմենթներ գրելու հանգամանքը…», – գրել է նա:
Գարիկ Պետրոսյանն էլ ճիշտ է համարում նախարարների՝ ֆեյսբուքում ակտիվ լինելու հանգամանքը, գրելով. «Անկեղծ ասած, ես շատ ուրախ կլինեմ, որ մեր բոլոր նախարարները իրենց աշխատանքային ժամերին մտնեն սոցիալական ցանցեր: Մտնեն ու էլ դուրս չգան, որովհետև նրանց անգործությունը այս պահին ավելի մեծ օգուտ կբերի մեզ, քան նրանց ապաշնորհ գործունեությունը»:
Տիգրանուհի Թասլակյան
