«Ինդիփենդենթ» թերթը 10 հատ երգ է ներկայացրել, որոնք ըստ հրապարկման հեղինակի Միխայիլ Սահակաշվիլի մասին են կամ ոգեշնչված են նրանով:
Առաջինը Գոգա Խաչիձեի «Միշա Մարգարիա» երգն է, որը թարգմանվում է՝ Միշան հրաշալի է: Երգը ձայնագրվել է 2007թ.: Երգում ասվում է «Մենք կբացենք Եվրոպայի և ՆԱՏՕ-ի դռները»: Հետագայում Խաչիձեն նշանակվել է բնապահպանության նախարար:
Երկրորդը վրացի ռեպեր Ուցնոբիի «Դեդա էնա» (մոր լեզուն) երգն է: Ուցնոբին 2008թ. նախագահի թեկնածու և ընդդիմության առաջնորդ Լևան Գաչեչելիձեի եղբայրն է:
Երրորդը «Գամարջոբա Ապխազեթո շվենո» (Բարև Աբխազիա) երգն է: Երգում հանդես են գալիս խորհդային տարիներին մի շարք սիրված դերասաններ, փոփ աստղեր և երիտասարդներ, որոնք երգի տեսահոլովակում ճանապարհ են ընկնում դեպի Աբխազիա: Երգի կատարողներից է նաև Վախթանգ Կիկաբիձեն:
Կարդացեք նաև
Չորրորդը Հարավային Օսեթիայի մասին «Կոկոյտի Ֆանդարաստ» (Ցտեսություն Կոկոյտի) երգն է: Էդուրարդ Կոկոյտին Հարավային Օսեթիայի նախկին նախագահն է: Թերթը գրում է, որ օսեթերեն ցտեսությունը ֆանդարաստուն է, սակայն երգի հեղինակները ֆանդարաստն են ընտրել, որ հայհոյանքի պես հնչի:
Հինգերորդը «We don’t wanna put in» երգն է: Երգի վերնագիրը բառախաղ է. թարգմանաբար նշանակում է մենք չենք ուզում մտցնել, բայց՝ մենք չենք ուզում Պուտինին: Ստեֆանի և 3G խմբի երգը գրվել էր Մոսկվայի Եվրոտեսիլի համար, սակայն այն այդպես էլ չհնչեց այնտեղ:
Վեցերորդը Անրի Ջոխաձեի «Բեդնիերի էրի» երգն է: Երգիչը ծաղրական տոնով հարցնում է «Հնարավոր է, որ աշխարհում մեր չափ երջանիկ երկիր լինի»: Տեսահոլովակը սկսվում է Զվիադ Գամսախուրդիայի ինքնասպանությունով:
Յոթերորդը Վրաստանի ներքին գործերի նախարարության կողմից թողարկված «Ոստիկան երեխաները» երգն է, որի տեսահոլովակում երեխաներն են ներկայացվում որպես ոստիկաններ: Թերթը գրում է, որ այս տեսահոլովակով Սահակաշվիլիի կառավարությունը ինքն իր գովերգությունն է անում: Նաև նշված է, որ Վրաստանի ՆԳՆ-ի մեկ այլ երգ այնքան է սիրվել Հայաստանում, որ գրեթե նույնությամբ կատարում են հայերը:
Ութերորդը «Համակարգը պետք է ոչնչացվի» ռոք երգն է, որը թողարկվել է 2012թ. վրացական բանտային սկանդալի բացահայտումից երեք օր անց:
Իններորդը Բիձինա Իվանիշվիլի ալբինոս, ռեպեր որդու՝ Բերա Իվանիշվիլիի «Վրացական երազանք» երգն է, որը Իվանիշվիլի «Վրացական երազանք» կոալիցիայի հիմն է: Թերթը գրում է, որ Իվանիշվիլին իր որդու երաժշտական գործունեության համար միլիոնավոր դոլարներ է ծախսել և տեսահոլովակը նայելիս հարց է առաջնում՝ արդյոք այդ փողն արդյունավետ է ծախսվել:
Տասներորդը Չինաստանի զինված ուժերի տղամարդկանց երգչախմբի վրացական ժողովրդական «Սուլիկո» երգի կատարումն է:
Պատրաստեց Հովհաննես ԻՇԽԱՆՅԱՆԸ
