Մագնուս Կարլսենը և նորվեգացի աշխարհահռչակ երգահան Հանե Սորվագը տեսահոլովակ են նկարահանել, որը ներկայացնում է Նորվեգիայի Ստավանգեր շրջանը, որտեղ 2013թ. շախմատի գերհզորների մրցաշար է անցկացվելու, գրում է «Չես բեյզ»-ը:
Նորվեգիայի մրցաշարը կլինի բոլոր ժամանակների ուժեղագույն մրցաշարերից մեկը: Մրցաշարին մասնակցելու են ընդամենը հինգ շախմատիստ` Մագնուս Կարլսենը (Նորվեգիա), Լևոն Արոնյանը (Հայաստան), Վլադիմիր Կրամնիկը (Ռուսաստան), Վիշվանաթան Անանդը (Հնդկաստան), Վանգ Հաոն (Չինաստան):
Մրցաշարը կանցկացվի 2013թ. մայիսի 7-ից 18-ը: Մագնուս Կարլսենը մրցաշարը նախաձեռնողներից է: Երգահան Հանե Սորվագը մրցաշարի համար ստեղծել է յուրահատուկ տեսահոլովակ, որը միակցում է շախմատն ու երաժշտությունը, գրում է «Չես բեյզ»-ը:
Կարդացեք նաև
Պատրաստեց Հովհաննես ԻՇԽԱՆՅԱՆԸ
