Երևանի Ավան և Նոր Նորք վարչական շրջանների ընդհանուր իրավասության դատարանում, քաղաքացի Դավիթ Սանասարյանն ընդդեմ Ազգային ժողովի նախկին պատգամավոր Ռուբեն Հայրապետյանի գործով դատավարությունը այսօր հետաձգվեց նոյեմբերի 22-ին:
Ինչպես արդեն տեղեկացրել էինք, Ռ. Հայրապետյանի ներկայացուցիչներ Կարեն Պետրոսյանն ու Սայադ Բադալյանը Դ. Սանասարյանի ներկայացուցչի վերաբերյալ առարկություն էին ներկայացրել՝ պահանջելով չճանաչել նրա լիազորությունները: Իրենց առարկությունը Ռ. Հայրապետյանի ներկայացուցիչները բացատրել էին Դ. Սանասարյանի ներկայացուցչի` նույնանման հայցերով դատարան ներկայանալով: Հայցվոր կողմը պնդեց, որ առարկությունը հիմքեր չունի: Դատավոր Է Ամալյանն էլ ասաց, թե քանի որ դատարանը նոյեմբերի 5-21-ը արձակուրդում է, դրա համար հաջորդ դատավարությունը կլինի նոյեմբերի 22-ին:
Արփինե ՍԻՄՈՆՅԱՆ
