Արսեն Ջուլֆալակյանը Լոնդոնի օլիմպիական խաղերի ավարտից հետո` օգոստոս ամսին, ամուսնացել է Հերմինեի հետ, որը սովորում է ԵՊՀ –ի ռոմանոգերմանական ֆակուլտետում: Սակայն օլիմպիական խաղերի բրոնզե մեդալակիրը Գերմանիա` Բունդեսլիգայի ակումբային առաջնություն, մեկնում է առանց նրա: Aravot.am-ի հարցին, թե Հերմինեին հետը չի տանում, որպեսզի չխանգարի՞, օլիմպիական արծաթե մեդալակիրը պատասխանեց. «Ոչ: Նա ուսանող է եւ չի կարող երկար ժամանակ դասերից բացակայել: Այ, երբ մրցելույթներս Գերմանիայում ավարտեմ, միասին որեւէ տեղ կգնանք: Իսկ ինչ վերաբերում է խանգարելուն, ասեմ. եթե Հերմինեն Լոնդոնի օլիմպիական խաղերին իմ նախապատրաստվելուն չխանգարեց, կյանքում այլեւս երբեք այդ բանն անել չի կարող եւ չի էլ անի»:
Աշոտ ՀԱԿՈԲՅԱՆ
