«ԻԱՆՍ» լրատվական ծառայությունը զրուցել է հնդիկ ռեժիսոր Շեկհար Կապուրի հետ՝ Հայոց Ցեղասպանության մասին ֆիլմ նկարելու կապակցությամբ:
«Սա աշխարհի պատմության մի մասն է, թեև շատ ամոթալի», – ասել է Կապուրը, – «Այս նախագիծը իրագործելը բարդ է լինելու: Այն շատ փող է պահանջում, շատ կիրք և կազմակերպվածություն: Բայց այս նախագծի հետևում կրքով լի շատ մարդիկ կան: Այնպես որ, հուսով եմ, որ մի օր այն լույս կտեսնի»:
Հարցին, թե արդյոք նա չի վախենում թուրքական կողմի հնարավոր հարձակումներից, ռեժիսորը պատասխանել է, որ իր «Հանցագործ թագուհի» ֆիլմի համար նրա վրա հարձակումներ եղել են կառավարության և գրաքննիչ խորհրդի կողմից. «Բայց ես չհանձնվեցի: Ինչին որ հավատում եմ, մինչև վերջ եմ պայքարում»:
Պատասխանելով հարցին, թե կա արդյոք պատմության մեջ այնպիսի բան, ինչը ձգում է նրան, Կապուրը պատասխանել է.
Կարդացեք նաև
«Հասարակությունը, որն իր անցյալից դասեր չի քաղում, դատապարտված է կրկնել իր սխալները: Որպես ռեժիսոր պատմությունն ինձ համար գիտաֆանտաստիկ է: Ես կարող եմ ամբողջ աշխարհն իմ ուզած ձևով կերտել»:
Պատրաստեց Հովհաննես ԻՇԽԱՆՅԱՆԸ
