Նախագահ Սերժ Սարգսյանը պահանջում է վճռական գործողություններ կոռուպցիայի դեմ պայքարում: Այսօր այս մասին կառավարության նիստին ասաց վարչապետ Տիգրան Սարգսյանը. «Նախագահը հանձնարարել է ուժեղացնել կոռուպցիայի դեմ պայքարը եւ պահանջում է վճռական գործողություններ, այդ թվում նաեւ վիրահատական մեթոդների կիրառում, որ կարողանանք այստեղ շոշափելի ու տեսանելի փոփոխություններ կատարել»:
Վարչապետը կառավարության անդամներին տեղեկացրեց, որ վաղը հրավիրել է կոռուպցիայի դեմ պայքարի խորհրդի նիստ ու հանձնարարեց իր աշխատակազմի ղեկավարին ներկայացնել կոռուպցիայի դեմ պայքարի առաջարկներ, նաեւ հանձնարարեց ուժեղացնել այդ ուղղությամբ հ/կ-ների հետ համագործակցությունը, որ նրանց էլ քննարկման մասնակից դարձնեն. «Կարծում եմ՝ ճիշտ կլինի նաեւ հրավիրել ընդդիմադիր կուսակցություններին ու նրանց հետ եւս համագործակցել, ու ներգրավված լինեն աշխատանքներում»:
Արփինե ՍԻՄՈՆՅԱՆ
Կարդացեք նաև
